دوشنبه، ۹ شهريور ۱۳۸۳ قوربانیمی قبول ائله آراز - "۹ آرسلان(شهريور) ۱۳۴۷" صمد بهرنگینین واختسیز اؤلومو مناسبتی ایله
بولوت قاراچورلو سهند:
قوربانیمی قبول ائله آراز!
صمد!
نه یازیم صمد؟!
دنلی خرمنیمین یانماسین یازیم؟
سرین سو کوزهمین جالانماسین یازیم؟
داغلی سینهمین آلوولانماسین یازیم؟
من سنه نه یازیم صمد؟
حسرتیمی کیم یاخاجاق؟
گؤز یاشیما کیم باخاجاق؟
آراز؟..
یئنه ده آخاجاق!
صمـــد!
کیمی چاغیریم؟
نه قده ر باغیریم؟
صمه........ـد!
سؤیله منه، سؤیله آراز!
نهدن بیزله اولدون بئیله آراز؟
کسدین ایکی قارداش آراسین،
آلدین موغانین ساراسین،
بوغدون ائلیمین دَيرلی بالاسین!
بسدیر!
بس.........دیر!.
قوربانیمی قبول ائله آراز!
سیامک سلامزاده